Yn swatio’n ddwfn mewn coedwig hyfryd wrth ymyl Eglwys Llanrhaeadr yng Nghinmeirch mae Ffynnon Dyfnog. Mae’r ffynnon hon a’i brithwaith o hanes yn gyrchfan i bererinion, yn llecyn hardd lleol ac yn hafan i fywyd gwyllt.
Cychwynnodd y prosiect adnewyddu yn 2012 pan ddaeth mwy na hanner cant o drigolion lleol at ei gilydd i leisio pryder am gyflwr Ffynnon Dyfnog wedi i ran o’r bont gerllaw basn y ffynnon gwympo. O ganlyniad i’r cyfarfod hwn ffurfiwyd pwyllgor o ymddiriedolwyr, Cymdeithas Cadwraeth Llanrhaeadr YC Preservation Society, a’i nod oedd codi arian i ddiogelu dyfodol y ffynnon. Yn 2018, cychwynnodd y gwaith o adfer y ffynnon a’r goedwig o’i hamgylch.
Rydym yn:
- Gwneud gwaith cadwraeth ar fasn y ffynnon, y pontydd a’r waliau ar y safle gan ddefnyddio dulliau traddodiadol a’u diogelu ar gyfer y dyfodol
- Gwella amgylchedd y goedwig i ymwelwyr a bywyd gwyllt
- Creu llwybr hawdd ei gerdded i sicrhau bod pawb yn gallu ymweld â’r safle
- Am y tro cyntaf, bydd gwybodaeth ar y safle i helpu pobl i ddysgu rhagor am hanes a nodweddion arbennig iawn y ffynnon a’r hyn sydd o’i hamgylch
- Gweithio gydag ysgolion lleol i greu llysgenhadon treftadaeth y dyfodol
- Creu cyfleoedd darganfod a dysgu i bob oedran
